கத்திரிக்காய் சாதம் கர்நாடகத்தின் பாரம்பரிய உணவாகும். கர்நாடகா மட்டுமின்றி மகாராஷ்டிரா, ஆந்திரா, தெலுங்கானா, மற்றும் தமிழ்நாட்டிலும் இது விரும்பி உண்ணப்படுகிறது. வாங்கிபாத் கத்தரிக்காய் பிரியர்களுக்கான மிகச்சிறந்த உணவு வகையாகும்.
- 4 கத்தரிக்காய்
- 1 கப் பாசுமதி அரிசி
- 2 தேக்கரண்டி எண்ணெய்
- 1/2 தேக்கரண்டி கடுகு
- கறிவேப்பிலை இலைகள்
- 1 பெரிய வெங்காயம்
- 2 தேக்கரண்டி வேர்க்கடலை
- 2 தேக்கரண்டி கொத்தமல்லி விதைகள்
- 1/2 தேக்கரண்டி சீரகம்
- 1 தேக்கரண்டி வெள்ளை | கறுப்பு எள்
- 2 தேக்கரண்டி துருவிய தேங்காய்
- 1/2 தேக்கரண்டி இஞ்சி பூண்டு விழுது
- 1/2 தேக்கரண்டி கரம் மசாலா தூள்
- 1 தேக்கரண்டி மிளகாய் தூள்
- 1 தேக்கரண்டி எண்ணெய்
- உப்பு தேவையான அளவு .
-
பாசுமதி அரிசியை கழுவி 10 முதல் 15 நிமிடங்களுக்கு ஊறவைக்கவும் .
-
கத்தரிக்காய்களை கழுவி காம்பை நீக்கிவிட்டு ஏழு அல்லது எட்டு துண்டுகளாக நீளவாக்கில் நறுக்கி வைக்கவும்.
-
ஒரு கடாயில் ஒரு தேக்கரண்டி சமையல் எண்ணெய் சேர்த்து சூடானதும் வேர்க்கடலை, எள் கொத்தமல்லி விதைகள், சீரகம் மற்றும் துருவிய தேங்காய் சேர்த்து மூன்று அல்லது நான்கு நிமிடங்களுக்கு மிதமான சூட்டில் வறுக்கவும் .
-
பின்னர் இஞ்சி பூண்டு விழுது சேர்த்து பச்சை வாசனை போகும் வரை வதக்கவும்.
-
பிறகு கரம் மசாலா தூள், மிளகாய் தூள், மற்றும் உப்பு சேர்த்து நன்கு கலக்கவும் இப்பொழுது அடுப்பை அணைத்துவிட்டு கலவையை ஆற வைத்து மிக்ஸி ஜாரில் சேர்த்து, சிறிதளவு தண்ணீர் சேர்த்து மைய அரைத்து வைக்கவும்.
-
பிரஷர் குக்கரில் 2 தேக்கரண்டி எண்ணெய் சேர்த்து சூடானதும் கடுகு மற்றும் கறிவேப்பிலை சேர்த்து தாளிக்கவும். அதனுடன் நறுக்கிய வெங்காயம் சேர்த்து இரண்டு முதல் மூன்று நிமிடங்களுக்கு மிதமான சூட்டில் வதக்கவும்.
-
நறுக்கிய கத்தரிக்காய் சேர்த்து சில நிமிடங்களுக்கு வதக்கவும், கத்திரிக்காய் மென்மையானதும் அரைத்து வைத்த மசாலாவை சேர்த்து கலக்கவும் இப்பொழுது ஊறவைத்து வடிகட்டிய ஒரு கப் அரிசியை சேர்த்து 1.5 கப் தண்ணீர் சேர்த்து இரண்டு சத்தம் வைக்கவும் .
-
குக்கரில் பிரஷர் வெளியானதும் குக்கரைத் திறந்து சாதத்தை மென்மையாக கிளறி விடவும். சுவையான கத்தரிக்காய் சாதம் தயார் .