பாஸ்மதி அரிசியை கழுவி 15 நிமிடங்களுக்கு ஊற வைக்கவும். பின்னர் வடிகட்டி தனியே எடுத்து வைக்கவும்.

பெரிய வெங்காயத்தை நீளவாக்கில் நறுக்கி வைத்துக் கொள்ளவும்.

கேரட், பீன்ஸ், உருளைக்கிழங்கு,  மற்றும் தக்காளி ஆகியவற்றை பொடிப் பொடியாக நறுக்கி வைத்துக் கொள்ளவும். 

பிரஷர் குக்கரில் நெய் ஊற்றி சூடானதும் பிரிஞ்சி இலை, பட்டை, லவங்கம், ஏலக்காய், மற்றும் மராத்தி மொக்கு சேர்த்து தாளிக்கவும்.

நீளவாக்கில் நறுக்கிய வெங்காயத்தை சேர்த்து வதக்கவும்.

இஞ்சி பூண்டு விழுது சேர்த்து பச்சை வாசனை போகும் வரை நன்கு வதக்கவும்.

நறுக்கி வைத்த கொத்தமல்லி இலைகள், புதினா இலைகள் மற்றும் கீறி வைத்த பச்சை மிளகாய் சேர்த்து வதக்கவும்.

 பொடியாக நறுக்கி வைத்த தக்காளி சேர்த்து வதக்கவும்.

மிளகாய் தூள், கொத்தமல்லி தூள், மற்றும் உப்பு சேர்த்து கலக்கவும்.

கால் கப் தண்ணீர் சேர்த்து ஐந்து நிமிடங்களுக்கு கொதிக்க விடவும்.

இப்பொழுது பொடியாக நறுக்கி வைத்த கேரட், உருளைக்கிழங்கு, பச்சை பட்டாணி, மற்றும் பீன்ஸ் சேர்த்து கலக்கவும்.

பின்னர் ஊறவைத்த பாஸ்மதி அரிசியை சேர்த்து கலக்கவும்.

ஒரு கப் பாசுமதி அரிசிக்கு ஒன்றரை கப் வீதம் தண்ணீர் சேர்த்து கொதிக்க விடவும். பிரஷர் குக்கரை மூடுவதற்கு முன்பு 2 தேக்கரண்டி சமையல் எண்ணெய்/நெய் சேர்க்கலாம்.

பிரஷர் குக்கரை மூடி 2 சத்தம் வந்ததும் அடுப்பை அணைத்துவிட்டு பிரஷர் ரிலீசாகும் வரை காத்திருக்கவும், சுவையான வெஜிடபிள் பிரியாணி தயார்.