Potato Smiley | பொட்டேட்டோ ஸ்மைலி | Potato smiley in tamil | Kids Snacks | School Snacks for Kids

See this Recipe in English

உருளைக்கிழங்கு ஸ்மைலி உருளைக்கிழங்கு, கான்பிளவர், பிரெட் கிரம், ஆகியவற்றை கொண்டு தயாரிக்கப்படுகிறது. இது எண்ணெயில் பொரித்து செய்யப்படும் ஒரு சுவையான மொறுமொறுப்பான மாலை நேர சிற்றுண்டி. மேலைநாடுகளில் உருளைக்கிழங்கு கொண்டு விதவிதமான பொரித்து செய்யப்படும் சிற்றுண்டிகள் உள்ளது. அதில் உருளைக்கிழங்கு ஸ்மைலி, ஃப்ரெஞ்ச் ப்ரைஸ், போன்றவை இந்தியாவிலும் மிகவும் பிரபலம். சுவையும் அபாரமாக இருக்கும்.

பொட்டேட்டோ ஸ்மைலி குழந்தைகளின் சிற்றுண்டி டப்பா அல்லது மாலை நேரம் காபி மற்றும் டீ யுடன் சுவையாக இருக்கும். இது செய்வது மிகவும் சுலபமானது. அதே நேரத்தில் சுவையும் அபாரமாக இருக்கும் மேலும் பார்ப்பதற்கும் அழகாக இருக்கும்.

சுவையான பொட்டேட்டோ ஸ்மைலி செய்ய சில குறிப்புகள்

காரமில்லாத சிவப்பு மிளகாய் தூள் பயன்படுத்தி உள்ளேன், சிறிதளவு காரத்துடன் செய்வதற்கு அதற்கேற்றார்போல் மிளகாய் தூள் சேர்த்துக் கொள்ளவும்.
எண்ணெயில் பொரிக்கலாம் அல்லது ஓவனில் வைத்து பேக் செய்து கொள்ளலாம். இதற்கு 180C/360F 10 முதல் 12 நிமிடங்களுக்கு வைக்க வேண்டும்.
மாவு பிசையும் பொழுது நீர்த்துப் போகாமல் ஓரளவுக்கு கெட்டியாக இருந்தால்தான் எண்ணெயில் போடும் பொழுது கரையாமல் இருக்கும்.
பொட்டேட்டோ ஸ்மைலி எண்ணெயில் சேர்த்து பொரிக்கும் பொழுது மிதமான தீயில் வைத்து பொரிக்கவும் தீ அதிகமாக இருந்தால் கரிந்து போகும் வாய்ப்புள்ளது.