Broken wheat Kesari in Tamil | கோதுமைரவை கேசரி | Cracked Wheat Kesari

See this Recipe in English

கோதுமை ரவை கேசரி உடைத்த கோதுமையை வைத்து செய்யப்படும் ஒரு சுவையான இனிப்பு வகை. இது உடைத்த கோதுமையுடன் வெல்லம், ஏலக்காய் பொடி, முந்திரி பருப்பு, நெய், ஆகியவற்றைக் கொண்டு செய்யப்படுகிறது. உடைத்த கோதுமையை வைத்து பொதுவாக உப்புமா செய்வார்கள், அதுதவிர கோதுமை ரவை பாயசம், கோதுமை ரவை கேசரி, போன்றவையும் சுவையாக இருக்கும். இது விருந்தினர்களை உபசரிக்க, விடுமுறை நாட்களில் செய்து உண்பதற்கு மற்றும் இறைவனுக்கு பிரசாதமாக படைப்பதற்கு என எல்லாவற்றிற்கும் ஏற்றது. ரவா போன்று கோதுமை ரவையிலும் விரைவாக கேசரி செய்யலாம் எல்லாவற்றிற்கும் மேலாக சர்க்கரை சேர்க்காமல் வெல்லம் சேர்த்து செய்யக்கூடிய ஆரோக்கியமான இனிப்பு வகை. சுவையான கோதுமை ரவை கேசரி நீங்களும் செய்து சுவைத்து மகிழுங்கள்.

சுவையான கோதுமை ரவை கேசரி செய்ய சில குறிப்புகள்

கேசரி செய்ய நைஸ் கோதுமை ரவை பயன்படுத்திக் கொள்ளவும், கோதுமை ரவை குண்டாக இருந்தால் மிக்ஸியில் நைசாக உடைத்துக் கொள்ளவும்.
1 கப் கோதுமை ரவைக்கு 2 கப் வெல்லம் சேர்த்து உள்ளேன். நீங்கள் விருப்பத்திற்கேற்ப வெல்லம் சேர்த்துக் கொள்ளலாம்.
கோதுமை ரவையை பிரஷர் குக்கரில் வேக வைக்கலாம், இதே அளவு தண்ணீர் சேர்த்து 3 விசில் வைத்து வேக வைக்கவும்.
1 சிட்டிகை உப்பு சேர்க்கும்போது சுவை கூடுதலாக இருக்கும்.
விருப்பப்பட்டால் கேசரி கலர் சேர்த்துக் கொள்ளலாம்.
முந்திரியுடன் காய்ந்த திராட்சையை வறுத்து சேர்த்துக் கொள்ளலாம்.
விருப்பத்திற்கேற்ப நெய் சேர்த்துக் கொள்ளலாம்.